supektibol

Ang Bagong Pera - Pamilya Aquino

2010-12-22T04:07:00.000-08:00

Palabas na ang mga bagong disenyo ng Pera ng Republika ng Pilipinas!

Sa lahat ng mga bagong itsura ng pera, isa sa mga nakakuha ng atensyon ay ang Limandaang Piso (500 Peso Bill) dahil sa
pagdagdag ng imahe ng dating Presidente Corazon Aquino sa tabi ng larawan ng kanyang asawang si dating Senador Benigno ‘Ninoy’ Aquino Jr. ...AT...kasama ng pirma ng kanilang anak (at kasalukuyang Presidente ng bansa) na si Benigno ‘Nonoy’ Aquino III.

First time daw itong mangyayari sa kasayksayan ng kaperahan sa daigdig, ayon sa tagapangasiwa ng Bangko Sentral ng Pilipinas.

Astig right?

at kapag tinapat mo daw ito sa ilaw ay makikita mo ang imahe ni Kris Aquino at Baby James sa gilid. Jok lang.

Sampung Bagay na Hindi Mawawala sa Bahay ng isang Totoong Pinoy

2010-07-07T20:50:00.000-07:00

Estante na puno ng mga pictures na nasa frame
Kalendaryo ng Politiko, o ng El Shaddai, o di kaya ng Mercury Drug. Basta kalendaryo, na free.
Orange Juice o Coke na nasa baso (kung bisita ka), na kakabili lang ng nautusang batang paslit
Picture ng kamag-anak o kapamilya na nasa abroad
Imahe ng Sto. Niño (na iba-iba ang costume) o ng Birhen
Ang Last Supper na picture sa kainan
Estante na punong-puno ng mga ceramic figurines at mga souvenires sa binyag o kasal
Pangkamot ng likod na gawa sa kahoy (yung mga galing Baguio)
Tae ng aso
Halo halong mga tsinelas na sipit sa labas ng pinto

Photo from this link

Ang Tunay na Pinoy may sariling lyrics ng Angelina

2009-07-24T11:16:00.000-07:00

Kung ikaw ay may malay-tao na nung mga taong 1991-92, bata man o matanda, hindi ka tunay na Pinoy kung hindi mo alam ang tagalog lyrics ng kantang "Angelina" ng P.S.Y. (o, hindi nyo nga alam kung sino ang kumanta nun). Yung kantang iba ang language at sinasayaw ni Christina Gonzales.

At dahil mahilig ang mga Pinoy sa mga kantang hindi naman nila naiintindihan, gumawa na lamang sila ng sarili nilang lyrics ng chorus nito.

...at sa totoo lang, bilib ako sa naka-isip at unang nagpa-uso ng lyrics na ito... akalain mo swak na swak sa tono at tunog ng bigkas ng kanta! Pilyo.

Tunay na Pinoy si Susan

2009-07-24T10:56:00.000-07:00

Marahil wala nang hihigit pa sa creativity ng title ng TV Show na ito ni Susan Enriquez...

dahil ang mga tunay na Pinoy ay palaging may pa-haging na bahagyang kabastusan at mabentang mabenta ito sa kanila. Mainam ang pagkaka-akma ng title sa tema at sa pangalan ng host ng nasasabing show.

Siguro nga't mejo malayo ang tema sa original material, pero catchy pa din.

Kaya sige, ngayon na't

Tumayo ang testigo! ...

Kay Susan Tayo!

...mas okey kung isisigaw mo ito habang nakapisil ang kamay sa ilong. Yung para bang ngo-ngo

hehe. classic.

Ang Tunay na Pinoy nagpapatayan sa kantang My Way

2009-07-19T23:50:00.000-07:00

Sa kung ano mang hindi ma-isplika na dahilan, ang pagiging isang Tunay na Pinoy ay hindi magiging ganap kung ikaw ay hindi namatay, nakapatay, nakipagpatayan, muntik mamatay o makapatay, o nakakita ng patayan alang-alang sa kantang My Way ni Frank Sinatra.

Ito ay labis na katotohanan sa kultura ng Pinoy, Basahin ito

Nasasaad sa Wikipedia: "My Way" is one of the most popular songs sung in karaoke bars around the world, to the point that it has been reported to cause numerous incidents of violence and homicides among drunkards in bars in The Philippines. ^[8]

Ayon nga sa kasabihan, "sa mga karaoke bar o beerhouse (lalo na yung mga sa tabi-tabi lang) ay naghaharap ang mga taong hindi dapat uminom, at ang mga taong hindi dapat kumanta."

Hanep talaga.

Illustration By Rey Rivera from this link

Havaianas VS. Spartan

2009-07-18T00:01:00.000-07:00

Mula sa mga bentang paksa na natatanggap ko sa aking Email, Ang Havianas VS. Spartan!

Siguro nagkalat na ito sa internet nuon pa, pero pino-post ko lang dito...Astig kasi eh

TALE OF THE TAPE:

Pangalan: Havaianas

Lugar na pinanggalingan: São Paulo , Brazil

Pagbigkas:
ah-vai-YAH-nas (Brazilian Portuguese)
hah-vee-ah-naz (American English)
OMG! hah-va-yaH-naZz! (Filipino)

Materyal na ginamit: Malupit na goma (high-quality rubber).

Presyo: Depende. Ganito na lang, 1 pares ng Havaianas = 100 pares ng Spartan.

Mga nagsusuot: Mga konyotik at mga mayayaman (na noong una ay nababaduyan sa mga naka-de sipit na tsinelas at sasabihing, "Yuck! So baduy naman nila, naka-slippers lang.")

Malulupit na katangian at kakayahan:
- Masarap isuot.
- Shock-absorbent
- Malambot ngunit matibay
- Makukuha sa sandamakmak na kulay, disenyo at burloloy
- Maaaring isuot sa loob ng Starbucks
- Mainam na pang-japorms
- Mainam i-terno sa I-Pod at Caramel Macchiato
- Mapipilitan kang maglinis ng mga kuko mo sa paa
- Maaari ka nang mag-dikwatro sa loob ng mga pampublikong lugar at sasakyan
- Magiging 'fashionable' ka kapag ikaw ay nagkukuyakoy

Olats na mga katangian:
Mahal!
Mahal!
Mahal!

----------------------------------------------------------------------------------------------------------------
Pangalan: Spartan

Lugar na Pinanggalingan: Metro Manila , Philippines

Pagbigkas:
spar-tan (American English),
is-par-tan (Filipino).

Materyal na ginamit: Pipitsuging goma (Low-quality rubber).

Presyo: Wala pang 50 pesos.
Isang pares ng Spartan = 20 piraso ng pan de coco.

Mga nagsusuot: ang masa (gaya-gaya lang ang mga sosyal at pasyonista)

Malulupit na katangian at kakayahan:
- Maaring ipampatay sa ipis
- Maaring ipampalo sa mga batang suwail at damuho
- Pwedeng ipanglusong sa baha at putikan
- Pwedeng ipamalengke
- Mainam gamitin sa tumbang-preso
- Mainam gawing 'shield' kapag naglalaro ng espa-espadahan
- Mainam isuot sa siko bilang proteksyon habang naglalaro ng piko
- Mainam na pambato sa picha o shuttlecock na sumabit sa puno
- Mainam na pangkulob sa pumuputok na watusi
- Kapag ginupit-gupit nang pahugis 'cube,' e maaari mo nang gawing pamato sa larong Bingo na
kadalasang makikita sa mga lamay ng patay.

Olats na mga katangian:
- Madaling magkawalaan kapag hinubad dahil halos pare-pareho lang ang itsura
- Masakit isuot kapag may mga balahibo ang mga daliri mo sa paa
- Minsan kapag ipinambato mo ito sa picha o shuttlecock na nakasabit sa puno, e nadadamay pati yung tsinelas

CONLUSION:

Kung sino man ang nagsulat o naka isip nito, Tunay kang Pinoy! isa kang keen observant at nadale mo ang katotohanan tungkol sa mga sipit na tsinelas na ito.

Tunay na Pinoy ang naka-shades. Kahit hindi maaraw.

2009-07-17T23:40:00.000-07:00

Ang mga Pinoy ay mahilig mag suot ng shades. Ang shades ay isang palamuti o accessory sa mukha, na normally ay sinusuot pag mataas ang sikat ng araw.

Tila nga nakuha sa kultura ng mga puti, ang tunay na Pinoy ay nakaugalian nang magsuot nito kahit nasa loob ng bahay, opisina, o madalas ay kahit sa mga gimikan pag gabi.

Minsan (o madalas) pa ay may babati sa paligid na, "ang taas ng araw ah"

Kalimitan ay isa na itong standard sa mga public figures na nakukuhaan in public na dawit sa intriga, scandal, kontrobersiya, o sadya lamang na sikat ang dating.

Tunay kang Pinoy, stylish!

In Photo: Hon. Eddie Gil

Mabangis ang Punla ng Tunay na Pinoy

2009-06-30T22:24:00.000-07:00

BATISTA

Matindi ang punla ng tatay ni Batista na isang Tunay na Pinoy. Mantakin mo naka-harang ng isang purong Greek na babae ang isang ordinaryong Pinoy sa Amerika, at naka-buo ng isang ganitong klaseng higanteng nilalang.

Maiisip mo ba na nakapag produce ito ng isang superstar wrestler na tulad nitong si Batista?

Ang mga isaw pa lang na namumuo sa mga braso nito, kitang kita mo na ang bangis ng semilya ng isang purong bugoy na Pinoy.

May pa-tato tato pa ito ng Philippine Flag na nalalaman.

Panalo. Props sa erpats ni Dave

Photo from this link

Tunay na Pinoy Magaling mag Magic - Hindi kailangang mag trabaho para mag bisyo

2009-06-30T08:03:00.000-07:00

"Pag may trabaho ka na, tsaka ka mag bisyo anak", sambit ng nanay sa pilyong anak.

Ang mga Tunay na Pinoy ay walang trabaho at naka tambay lang buong araw. Wala silang pera pambili ng pagkain o pampaaral sa mga anak nila, regular na trabaho, o pinagkaka kitaan. Makikita mo silang pakalat-kalat buong araw sa lansangan at wala ginagawa...pero pag sapit ng takip-silim...

MAGIC!

Sila ay tila nagiging Don at may unlimited na pang inum ng iba't ibang klase ng alak. Biglang napupuno ang bulsa nila at sigeng hugot ng pambili - sapat sa inumang hanggang kinabukasan.

Krispy at delicious pa ang mga pulutan nila, chols.

Paano yan nangyayari? Magic.

oo nga..totoong magic...pramis.

Dahil hindi din ito ma-isplika ng kahit na anong agham...magic nga.

Photo from this link

Tunay na Pinoy ay hindi kilala si Ninoy Aquino

2009-06-30T02:59:00.000-07:00

Tunay na Pinoy ka kung hindi mo kilala si Ninoy Aquino, maliban sa pagkakakilalang nasa limandaang piso (P500) ang mukha nya na naka-salumbaba.

Sa taon-taon na pag ce-celebrate ng Ninoy Aquino Day (Araw ng Kabayanihan ni Ninoy ang opisyal na tawag dito), bukod sa National Holiday ang alam ng mga tunay na Pinoy, ay alam din nila na Bayani daw ito.

Pero ang Tunay na Pinoy ay hindi kilala si Ninoy Aquino, maliban sa kaalaman na tatay ito ni Kris ...at dati nga daw kasi itong naging Presidente ng Pilipinas. (Kung tanungin kung kailan naging presidente, ay hindi ko din alam.)

Totoo.

Photo from this link

Isa ka bang Tunay na Pinoy? Ito ang iyong Primer.

2009-06-29T23:34:00.000-07:00

Supektibol. Sa totoo lang, ito lamang ang una kong naisip na i-title sa blogsite na 'to. Bakit 'kamo? wala lang.

Kung inyong matatandaan, and salitang supektibol ay isang bastos na joke, kadalasan ay nasasabi sa mga kabataan. O baka hindi na sa mga kabataan ngayon, baka noong kabataan ko lang. O baka naman dahil bastos lang din ako nung bata pa ako...hindi ko alam.

Anu't ano man, ikaw na lamang ang mag isip o magtanong, o maghukay sa iyong alaala kung na-encounter n'yo na ba ang word na ito.

PINOY.

Marahil yan lamang ang nag-iisang salita na nasa isip ko kung bakit may blog na ganito. Ilang taon na ay kating-kati na ako magsulat at magpahayag ng aking saloobin sa pagkakakilala ko sa mga taongbayan na nakatira at nabubuhay sa bansang ito na Pilipinas. Ako ay isang seryosong at taus-pusong tumataguyod ng Nasyonalismo at self proclaimed na makabayan. Ang gusto ko lamang maparating dito ay mapakilala at harapin ang katotohanan ng pagiging isang Pinoy, hindi ng pagiging isang Pilipino.

Iba ang Pilipino sa Pinoy. Ang Pilipino ay ang nilalang at imahe na ginawa ng bansa o ng estado, para sa mundo at mga libro. O marahil, nilikha para magkaroon tayo ng inspirasyon nang kung sino ang gusto natin maging. Sa makatuwid, ang pagiging Pilipino ay isang pananaw.

Ang Pilipino ay maka-Diyos, maka-tao, at maka-bansa. Ang Pilipino ay hospitable at mapagkumbaba. Ang Pilipino ay makata, mapag-silbi, konserbatibo...magalang.

Ang Pinoy ay bastos. Ang Pinoy ay tamad. Ngunit ang Pinoy din ay sadyang mabait...masipag...matiyaga.

Ang Pilipino ay lumikha at nagbabasa ng Noli Me Tangere, El Filibusterismo, o Florante't Laura.

Ang Pinoy ay lumikha, nagbabasa, o nagpapasikat ng Xerex, FHM, mga Teleserye, at mga Sex Scandals sa cellphones.

(Na ge-gets mo ba ang sinasabi ko?)

Ang Pinoy ay hindi masamang tao, at hindi pangit ang ugali by nature. Ang Pinoy ay isa lamang totoong tao. At sa pagiging totoong tao, ka akibat dito ang masama, mabuti, pangit, maganda, maputi, maitim na budhi ng isang nilalang at pag uugali. Kalimutan na muna ang pagiging Pilipino, ang nais ko ay ipahayag ang pagiging Pinoy, ang totoong Pinoy.

Ako, isa akong umaadhika sa pag uugaling tradisyonal, mga kaugaliang kinagisnan, pagmamahal sa kultura ng Pilipinas...at sa ilang taon na na nakakalipas na pag-aaral, pananaliksik, pag mamatyag, at paghahanap ng tunay na mukha o identity ng isang Pilipino (bukod sa mga nasasaad sa mga libro o history books), at sa dinami-rami ng naiisip kong paraan para mailahad ito o mai-express, eto na lamang muna ang pinaka mabisa kong naisip na paraan. Ang blog na ito, alinsunod sa modernong panahon.

Kaya nandito ka ngayon at binabasa ang Supektibol sa web address na pinangalanang pinoypau, ay dahil ipapakita ko sa sarili kong opinion ang pagiging isang

Tunay na Pinoy.

Inset Photo By Randy Paulino